Brics-PSUVek Europar Batasunak burututako errusiar komunikabideen aurkako zentsura gaitzesten du

Brics-PSUV Venezuelako Alderdi Sozialista Batuaren Komunikazio Solidarioko Nazioarteko Brigadetan, europar lurraldean agindutako RT eta Sputnik komunikabideen itxiera gaitzesten dugu. Ezin gara behatzaile soilak izan Europar Batasunaren lausengukeriak eta inperialismo estatubatuarrak babestutako Giza Eskubideen urraketa argi baten aurrean.

Europar Batasunak egia absolutuaren bermatzaile izan nahi du. Borrell EBko atzerri eta segurtasun goi-ordezkariak dio Errusiako komunikabideek gezurra esaten dutela, baina nor da EB gezurretan nor ari den eta nor ez zehazteko? Zer moralekin eta zer irizpideren arabera erabakitzen du EBk bere burua RT eta Sputnikek dauzkaten milaka ikusleren askatasunaren jabetzat jotzea, informazioa zein hedabidetatik jasotzen duten erabakitzeko eskubidea murrizteko? Argi eta garbi, yankee inperialismoaren irizpenari jarraituz, EB bere interes ekonomiko eta geopolitikoen aurka doan gerra batean bultzatzen duena.

Azpimarratu behar da neurri hauek aro berri honetako komunikazioaren konglomeratu handiek, YouTubek eta Metak (Facebook, Instagram eta WhatsApp), aupatzen dituztela, EBn RT eta Sputniken zerbitzu guztiak moztu baitituzte. Denbora berean, Twitterrek kazetari independente ospetsu batzuk difamatu ditu, errusiar eragineko agenteak direla adieraziz. Munduko iritzi publikoaren aurkako eraso handi baten aurrean gaude, non inperialismoak bere esku dituen arma teknologiko guztiak erabiltzen dituen munduan milioika pertsona mendean hartzeko eta pentsamendu bakarra inposatzeko.

Munduko inperialismoak obskurantismora eraman nahi gaitu, herrien borroka desegin nahi du. Europa osoko herritarrek informazio egiazkoa, egokia eta zentsurarik gabea jasotzeko duten eskubidea ezereztu dute. Oinarrizko giza eskubideetan atzera egitea onartezina da eta ahotsa altxatzera deitu behar gaitu. Munduko herriek adierazpen, informazio eta iritzi askatasunaren aldeko borrokari eusteko eta aurrera egiteko gai izan behar dugu. Inperialismoak isilik nahi gaitu, irizpide eta balio indibidualistek bultzatutako desmobilizazioaren bitartez benetako borroka kolektiboetatik eta gu guztion beharrezko emantzipazioaren aldeko borrokatik aldentzeko.

Besteen pentsamendua deuseztatzea hauen existentzia deuseztatzea da. Ez diezaiegun utz gu deuseztatzen, gure izenean erabaki eta hitz egiten. Aski da, zigorrik ez, askatasunen aurkako erasorik ez, inperialismorik ez.

Deja una respuesta

Tu dirección de correo electrónico no será publicada.